Text
Benedixisti Domine terram tuam avertisti captivitatem Iacob. Remisisti iniquitatem plebis tue operuisti omnia peccata eorum. Mitigasti omnem iram tuam avertisti ab ira indignationis tue. Converte nos Deus salutaris noster : et averte iram tuam a nobis. Numquid in eternum irasceris nobis aut extendes iram tuam a generatione in generationem. Deus tu conversus vivificabis nos et plebs tua letabitur in te. Ostende nobis Domine misericordiam tuam et salutare tuum da nobis. Audiam quid loquatur in me Dominus Deus quoniam loquetur pacem in plebem suam. Et super sanctos suos et in eos qui convertuntur ad cor. Verumtamen prope timentes eum salutare ipsius ut inhabitet gloria in terra nostra. Misericordia et veritas obviaverunt sibi iustitia et pax osculate sunt. Veritas de terra orta est et iustitia de celo prospexit. Etenim Dominus dabit benignitatem et terra nostra dabit fructum suum. Iustitia ante eum ambulabit et ponet in via gressus suos.
ID Annotation
Benedixisti, Domine, terram tuam ;avertisti captivitatem Jacob. Remisisti iniquitatem plebis tuae ;o | HORAE | Psalm 84 | Psalm | h188
ID Arkindex
4e978405-feef-48e4-b4be-3d9dc8d24fab
