Text
Verba mea auribus percipe Domine intellige clamorem meum. Intende voci orationis mee rex meus et Deus meus Quoniam ad te orabo Domine mane exaudies vocem meam. Mane astabo tibi et videbo quoniam non Deus volens iniquitatem tu es. Neque habitabit iuxta te malignus neque permanebunt iniusti ante oculos tuos. Odisti omnes qui operantur iniquitatem perdes omnes qui loquuntur mendacium. Virum sanguinum et dolosum abominabitur Dominus ego autem in multitudine misericordie tue. Introibo in domum tuam adorabo ad templum sanctum tuum in timore tuo. Domine deduc me in iustitia tua propter inimicos meos dirige in conspectu tuo viam meam . Quoniam non est in ore eorum veritas cor eorum vanum est. Sepulcrum patens est guttur eorum linguis suis dolose agebant iudica illos Deus. Decidant a cogitationibus suis : secundum multitudinem impietatum eorum expelle eos quoniam irritaverunt te Domine. Et letentur omnes qui sperant in te in eternum exultabunt et habitabis in eis. Et gloriabuntur in te omnes qui diligunt nomen tuum quoniam tu benedices iusto. Domine ut scuto bone voluntatis tue coronasti nos.
ID Annotation
Verba mea auribus percipe, Domine ;intellige clamorem meum. Intende voci orationis meae,rex meus et | HORAE | Psalm 5 | Psalm | h1255
ID Arkindex
a3cdf6a6-5399-454f-a2a0-689566f19534
