Text
Ave, caelorum ianua, Mater Dei et filia, Salutata ab angelo, Praeelecta a Domino. Ego ad te confugio, Virgo, mea salvatio, Salutis spes et veniae, Mater misericordiae. Salva ad te fugientem, Serva me in te sperantem, Super omnes te exoro, Super omnes te imploro. Tu es vere potentior, Inter omnes dulcior, Inter omnes humilior, Inter omnes sublimior. Nullus nempe confundetur, Sicut reor, nec perdetur, Qui se tibi commendabit Et te prece invocabit. O Maria, mater Dei, Miserere, precor mei Atque pro me ora Deum, Ut absolvat tuum reum. Ego tibi me commendo, Me in servum tibi trado, O domina, me respice Et clementer suscipe. Respice me, o Maria, Dei mater, virgo dia, Et visita me miserum, Oppressum mole scelerum.
ID Annotation
Ave, caelorum ianua, Mater Dei et filia, Salutata ab angelo, Praeelecta a Domino. Ego ad te confugio | AH 2604 | AH 2604 | Oration | h123