Transcription
Ung jour Venus, desirant me fascher
Pour ung despit pieça sur moy conçeu,
Fit à son filz Cupido deslacher
Un traict sur moy, mais il fut bien deceu
Car aussi tost que j'euz le coup receu
Et que la playe estoit fresche et entiere,
Palas y meit tel unguent et matiere
Que je me vis guery le lendemain.
Arriere donc, Venus rebelle et fiere,
Puys que Minerve y mect pour moy la main.
