Transcription
L'esprit divin dont vous estes ornée,
Le doulx parler, l'humaine privaulté,
La grand doulceur, la nature bien née,
L'inestimable et exquise beaulté :
Ces choses là avecques cruaulté
N'ont le pouvoir de vivre aucunement.
Si vous supply, belle parfaictement,
De mon service avoir la souvenance,
À celle fin que mesme traictement
Je puisse avoir en ma triste souffrance.
