Transcription
Amour est painct ainsi qu'ung jeune enfant,
Qui est tout nud et n'a vesture aulcune,
Blanc et poly, joyeux et triumphant,
Les yeulx bandez comme dame Fortune ;
Et comme Mort, qui est à tous commune,
Porte ung grand dard, dont vient les cueurs saisir ;
Comme renom, il volle à son plaisir.
Es champs floriz et en cité fermée.
En son ymage on peult doncques choisir,
L'enfant, la Mort, Fortune et renommée.
