Transcription
De folle amour, ô mes seigneurs et dames,
Qui desirez oster voz corps et ames,
Lisez ces vers et escriptz Marotiques,
Et evitez tous escriptz impudiques :
Escript lascif, lasciveté enseigne.
Honneste escript, de vertu Porte enseigne,
Faict les lisans à honneur attirer,
Et leurs espritz et leurs cueurs retirer
De folle amour.
Or qui se veult par vraye amour unir,
Tresgrand honneur il luy en peult venir ;
Ainsi qu’on dit assez communement,
"Qui veult aymer doibt aymer loyaulment".
Mais grand honneur ne peult jamais venir
De folle amour.
