Amboise Michel d', "Dedans ceste unziesme Satyre"
Transcription: id 54619
LINKED MEDIA
Incipit
Dedans ceste unziesme Satyre
Titre
À maistre Martin Foucquet prothonotaire, et prieur de Flavacourt. Dizain par l’Autheur
Transcription
Dedans ceste unziesme Satyre
Juvenal plain de verité
Deteste, en vers que tu doibs lire,
La prodigue excessifveté.
Il a si grande auctorité
Qu’il nous fault necessairement
Donner nostre consentement
Ad ce qu’il en a voulu dire
Et maintenir assurement
Qu’à l’homme pouvre, il n’est rien pire.
Copiste
Claire Sicard
