Incipit
A bien bon droict (o pasteur venerable)
Titre
A tresnoble, et tresillustre Prelat, Monseigneur Olivier, Evesque de Lombées, François Habert son treshumble et obeissant serviteur, Salut et felicité perpetuelle.
Sonnet.
Transcription
A bien bon droict (o pasteur venerable)
Les anciens Sénateurs des Romains
Jusques icy grands honeurs ont eu maints,
Veu qu'ils estoient d'une vie honorable.
Le renom est des Catons fort louable,
Car ils estoyent sages, prudens, humains,
D'autres plusieurs nous avons en noz mains
Les gestes beaux, par histoire durable.
Si les Romains ceux de leur nation
Ont honoré en grand affection,
Ne debvons nous celebrer noz Gaulois ?
Donc (monseigneur) ne trouvez point estrange
D'un Chancellier si j'escry la louange,
Qui fut l'honeur de Justice et des loix.
Source
Valognes, Médiathèque Julien de Laillier, C 6121 (1)
