Tyard Pontus de, "Il ne fault plus que remede on mendie"

 Transcription: id 51016
Incipit
Il ne fault plus que remede on mendie
Titre
P.D.T. Sonet
Transcription
Il ne fault plus que remede on mendie
Des Grecs hautains, ou des Arabes vieux
(Voy le en François, France devant tes yeux)
Contre la Peste, horible maladie ;
Celuy qu'on dit qui gist en Arcadie,
J'entens le filz du quart Astre des Cieux,
En delivra le Tybre ambicieux,
Par le moyen que Textor te dedie ;
Si le Romain, le Romain idolatre,
Pour satisfaire à son Dieu Archiatre,
Luy consacra, un Temple et un autel,
Que peux tu moins, qu'à l'Auteur de ce livre,
Qui de ce mal dangereux te delivre,
Donner un nom louable et immortel ?
Copiste
Claire Sicard
 
Linked from
Referenced by
 
more...