Ses blonds cheveulx estoient au vent espars,
Et ses yeulx clercs gettoient ardant lumiere,
Son viz ryant monstroit de toutes pars
Joyeulx accueil, et grace singuliere,
Pour bien parler elle estoit la premiere,
Et de son port sembloit une deesse,
Donc si pour lors vers elle prins adresse,
Pour la servir ne fault qu'on s'en esmaye,
Encores moins si je l'ayme en vieillesse,
Desbender l'arc ne guerist pas la playe.
