Aristippus desirant à coucher
Avecq' Lais pour prendre son deduit
Et son plaisir par de prez la toucher,
De s'enquerir il fut premier induict
Combien payeroit pour une seule nuict.
El' respondit qu'il bailleroit contant
Cent escus d'or, non un seul moins d'autant
S'aulcun plaisir d'elle vouloit sentir.
Mais luy redict : "Ha, sur ma foy ! point tant
N'achapteray encore un repentir."
