Oultre l'esprit de vertu decoré
Qui faict sejour dans ton corps honorable,
Oultre l'accueil et maintien asseuré,
L'œil transperçant, le parler mesuré,
Oultre la grace envers tous favorable,
On peult choisir en toy chose admirable,
Cestassavoir une tres belle gorge,
Gorge attrayant à soy mille regards,
Où Cupido, pour aguyser ses dards,
A redressé nouvellement sa forge.
