Aux Cordeliers, un paintre d'excellence
Paingnoit Enfer, à le veoir bien horrible,
Dedans lequel il meist en evidence
Papes, Roys, Ducz souffrans peine terrible :
De touts estatz, il y meist le possible.
Quelqu'un, voyant cela, luy feit demande
Pourquoy c'estoit qu'en ceste peine grande
(En ce palud et horrible manoir)
Un Cordelier, un moine blanc ou noir,
N'y estoit painct. Lors, le painctre respond :
« Il en y a, mais on ne les peult veoir,
Pource qu'ilz sont cachez au plus profond ».
