Si Pytagore est sur ce veritable,
Disant, d'un corps qu'en l'autre l'ame vient,
L'ame d'Ovide illustre et honnorable
Estre en ton corps, croire à chascun convient.
Car, en lisant tes vers, il me souvient
De la doulceur d'Ovide resonante,
Passant Orphée, et sa harpe sonante,
Dont si d'Ovide estoient les vers perdus,
Par la doulceur de ta Muse accordante,
Ilz seroient tost en leur forme rendus.
