Des Masures Louis, "Alexandre vivant ne fut oncq par Apelle"
Transcription: id 49691
LINKED MEDIA
Incipit
Alexandre vivant ne fut oncq par Apelle
Titre
Transcription
Alexandre vivant ne fut oncq par Apelle
Si au vif exprimé, tant de cas qu'on en face,
Qu'icy peincte se veoit non seulement la face,
Mais, avecques le corps, l'ame divine et belle
De maint homme, qu'illustre à bon droict on appelle :
Car ce que le pinceau d'un Apelle ne trace,
Tu peints : la valeur vive, et l'honneur, et la grace,
L'invincible vertu, et les merites d'elle.
Encor en faisant veoir les figures presentes
Voy (Everon ) toy-mesme au vif tu representes,
Avec ton Jovio : si qu'en ton œuvre tel,
Illustrant plus encor ces hommes genereux,
Tu te rends au semblable illustre et valeureux,
Et fais luyre ton nom clairement immortel.
Copiste
Claire Sicard
