Sainte-Marthe Charles de, "Fureur vient après pacience"
Transcription: id 49158
LINKED MEDIA
Incipit
Fureur vient après pacience
Titre
A un superbe, détracteur
Transcription
Fureur vient après pacience.
Il n'est si nette conscience
Qui peust de courroux s'abstenir,
Veoyant un tel Badault venir,
Un Asne sans litterature,
Parler d'aultruy à l'adventure :
Et non parler seulement,
Mais blasmer oultrageusement
Escript où il n'entend notte.
Tu sçays, Badault, que je te note,
Et si mieulx je te congnoissois
Tu sentirois (qui que tu sois),
Quand ce vient à donner replique,
Si je sçay frapper de la picque.
Mes escripts ne te plaisent point,
Et par ce, ta langue me poingt ;
Mais j'ayme mieulx qu'ilz te desplaisent,
Que tu les loues et te plaisent :
Il fault aux Asnes des chardons.
Souvent quand blasmer nous cuiddons,
Nous donnons une grand' louenge.
Mais si tu trouves trop estrange
Que j'ay mis rythmes en avant,
Je te pry, ô homme sçavant,
Faire l'honneur à mon escrpre
De jamais ne le veoir et lire.
Copiste
Claire Sicard
