N'adresse point tes parolles mordantes
Sur nos beaulx noms retornez à plaisir,
Car ton esprit ne sçauroit bien choisir
Les noms tornez soubz raisons evidentes.
L'homme sçavant (par vertus apparentes)
Dessus telz cas sa muse (par loysir)
N'adresse point.
Mais ung fetard, qui d'injures cuisantes
En faictz et dictz se veult tousjours saisir,
Ainsi que toy, à mal met son desir
Et son sçavoir, à personnes sçavantes
N''adresse point.
