Si Bretaigne,
Launay, se sent bien honorée
De tes premiers escritz, que chascun a peu voir,
Ores tu luy fais bien meilleure cause avoir
De se sentir de toy plus encor decorée.
Ta vertu seulement n'y est pas admirée,
Mais en tous les endroicts que peult appercevoir
De son œil le soleil, tu as fait recevoir
Tes escritz maçonnez, de peine elabourée.
Si que tout l'univers, remply de ta memoire,
Tes œuvres admirant, ja te donne la gloire
D'estre l'un des premiers qui le mieux a escrit ;
Et puis que, me portant si bonne affection,
Tu m'as tout rendu tien par obligation,
Je seray toujours tien, et de corps, et d'esprit.
