Ces jours passez je vous importunoye
De dix ecutz dont j’avoye bien affaire
Mais desplaisir à vostre esprit donnoye
Car vous n’aviez povoir d’y satisfaire,
Or maintenant si vous povez tant faire
A ce besoing six escuz me prester
Je mettray peine en brief vous contenter
Et congnoistrez le bon vouloir de l’homme,
Car avec luy vous pourrez plaisanter
Autant qu’avec tout autre qu’on vous nomme.
