Ces jours je feis ung delectable songe,
Advis m’estoit qu’escus en habondance
Tomboyent du ciel, sans que ce fust mensonge.
Mais au resveil j’euz toute desplaisance,
Dont je perdis totalle contenance,
Car j’apperceu du ciel cheoir de la neige :
"Ha", dis je alors, "songe à proffit n’ay je !"
Et toutesfois quelque jour adviendra
Mon songe vray : si j’ay ce privilege,
Marc mon amy, de toy me souviendra.
