Transcription
Plaise à monsieur de sainct Germain
Ne differer au lendemain
De satisfaire à sa promesse :
C’est pour le Banny de liesse,
Cela s’entend de quelque somme.
Et s’il le faict, devinez comme
J’espargneray le grand mercy !
Ce sera le plus grand soulcy
Que puisse avoir par sa noblesse,
Et davantaige mon hostesse
N’aura plus cause de crier.
Je le veulx humblement prier
A ce coup cy ne faire faulte
En me respondant à voix haulte
Que bonne est mon expectative
Et qu’à bon port vers luy j’arrive.
