A Monseigneur de Fize, Secrétaire de Monseigneur Bertrand, garde des Seaux de France
Transcription
Aux jeunes ans, vray instinct de Nature
Vous a donné telle perfection,
Que vous portez, à la docte Escriture
Et aux vertus, grande dilection.
J’ay bien bon droict de faire mention
En mes Escrits, de vous, fils de Minerve.
Mesmes Pallas, par saincte affection,
Entre les bons Esprits, lieu vous reserve.
Et si Pallas vous monstre loyauté
En vous voyant amoureux de Sçavoir,
Vénus aussi, louant vostre beauté,
Son Adonis laisse, pour vous avoir.
Sur ce Juno, désirant vous pourvoir
D’ainsi vous voir plaire à ces deux Déesses,
Est grandement jalouse, et vous vient voir
Pour vous orner du don de ses richesses.
