Transcription
Entre plusieurs que Dieu a exornez
De divers dons et graces de nature,
On vous cognoist fort noble créature
Du rang des bons et des hommes bien nez,
Non comme ceux que l’on voit adonnez
A vanité, mensonge et forfaicture,
Mais à justice et à vérité pure,
Ainsi que sont les vrays prédestinez.
Voyla pourquoy celluy qui tout prévoyt,
Et qui aux siens divinement pourvoyt,
En équité vous faict prendre exercice,
A celle fin que la postérité,
Ainsi que vous, ensuive vérité
En s’exerçant en non faincte Justice.
