Celluy duquel la prudence divine
Gouverne tout, comme du Toutpuissant,
L'homme à ses saincts édicts obéissant,
Différemment enseigne et illumine,
Non qu'il y ait différente doctrine
Pour le salut dont l'homme est jouissant,
Mais il requiert le cueur non fleschissant
De tous estats, qui selon Dieu chemine.
Or ce céleste et divin gouverneur
(A qui chascun doibt los, gloire, et honeur)
Outre les dons de civile droicture,
Vous a donné si grande auctorité
En la céleste et divine équité,
Que vous vivrez, estant en sépulture.
