Transcription
Voyla pourquoy de ceste grand Cité
Paris, en Loix et Lettres florissante
On ne verra la gloire périssante
Par Juges bons de grand capacité.
Toute autre ville est moindre en dignité,
Moindre en sçavoir, et moins resplendissante
En la vertu, qui est obéissante
A ce Paris noble université.
Donc il estoit grandement nécessaire
Que pour régir un si grand populaire
Qui dans Paris est en estats divers
Justice y fust excellente et haultaine,
Pour d’équité et droicture certaine
Aymer les bons et punir les pervers.
