O
monseigneur le Reverendissime,
Extraict de Roy trescatholique et preux,
Qui conquesta la terre sainctissime,
Où Jesuschrist guairit plusieurs lepreux
(Et Osanna chanterent les Hebreux),
Priez pour nous de telle vehemence
Nostre bon Roy, qu’à sa grande clemence
Plaise sauver la Bresse de meschef.
Bien faire aux siens, c’est fertile semence,
Mais membre sec ne peut servir au chef.
