Transcription
S’il est bien plus louable de donner,
Ce dit la loy divine, que de prendre :
Il vous plaira, Sire, me pardonner,
Si je pretend ce poinct de vous apprendre.
Par ignorance on ne peut que mesprendre.
Mais tout bien faict procede du sçavoir :
Ce sçavoir donc j’attend de grace avoir,
Que mon dizain tant plaise à vostre face,
Que par donner vous me faciez ce voir,
Que vous verriez, si j’avoy vostre place.
