Transcription
A toy, qui sçais toute proprieté
De motz François et du nayf langage,
Audacieux jusques là j’ay esté
D’offrir dizain, qui sent bien son ramage :
Mais reprenant de ton fief et hommage
Bons documents joincs à perseverance
De t’obeyr, j’ay bien bonne esperance
Que m’instruiras en pure verité.
Qui du prochain enseigne l’ignorance,
Une œuvre il fait de grande charité.
