Transcription
En attendant secours mon cueur souspire,
Car il est tant de debtes assailly,
Que si secours à luy ne se retire,
Il deviendra languissant et failly.
Si ta bonté peult servir d’ung bailly,
Ou d’advocat, et apres de donneur,
Je diray lors : "O argentier d’honneur,
Tant que vivra au monde mon escript,
Je te prometz (sans estre blasonneur)
Que bien au long tu y seras escript."
