Sainte-Marthe Charles de, "Clement Marot parla le temps passé"
Transcription: id 47978
LINKED MEDIA
Incipit
Clement Marot parla le temps passé
Titre
De la prudence de Clement Marot
Transcription
Fort librement, quand il le pouvoit faire.
Et maintenant, le tout bien compassé,
Se taist aussy, quand luy convient se taire.
A vostre advis, esse petit affaire,
Que retenir et lascher son langaige,
En s’applicquant au plus commun usaige,
Et attendant (par un tres prudent soing)
L’heure et le temps ? Ò Clement Marot saige,
Qui sçait parler et se taire au besoing.
Copiste
Claire Sicard
FdT ID
1537
