Transcription
Jamais ne fut que n’eusse volunté
(Noble Prelat) de voz vertus escrire,
Mais honte m’a si souvent surmonté,
Que j’ay tousjours differé d’en rien dire.
Et toutesfois mon esprit tant desire
Vous contenter, que honte n’autre poinct
Tant grand soit il, ne m’engardera point
De faire chose, où je vous puisse plaire ;
Or vienne donc fortune si à poinct,
Qu’à vostre honneur se puisse bien tost faire.
