Cy gist
Clement des poëtes l’asseurance,
Cy gist
Clement des plus sçavans ploré,
Cy gist
Clement tant estimé en France,
Que des plus grandz il estoit adoré,
Lequel ayant haultement decoré
Par grandz labeurs nostre langue vulgaire,
Se retira, et luy fut necessaire
Chercher la mort, n’en sois point esbahy.
Car il estoit au monde transitoire,
D’aucuns aymé, et de plusieurs hay.
