Sainte-Marthe Charles de, "Au bon vouloir, Madame, gist l'effect"
Transcription: id 47923
LINKED MEDIA
Incipit
Au bon vouloir, Madame, gist l'effect
Titre
A Madame la Duchesse D’Estampes, luy recommandant son Oeuvre
Transcription
Au bon vouloir, Madame , gist l’effect,
Et justement on l’estime pour faict,
Regardant moins le don, que le donneur.
Ò pleust à Dieu, que j’eusse ce bon heur,
De vous pouvoir faire un present perfaict.
Je vous presente un mien Oeuvre imperfaict,
Trop suis hardy, je sçay que j’ay forfaict,
Mais cognoissez vostre humble serviteur
Au bon vouloir.
Tousjours Fortune à mon labeur deffait,
Mais, si vous plaist, il sera tost reffect,
Et si seray getté hors de malheur.
Treshumblement vous pry, que cest honneur,
Non pas à moy, Madame , mais soit fait
Au bon vouloir.
Copiste
Claire Sicard
