A ceste nostre edition des Chroniques du seigneur Jean Carion, nous avons (amyables lecteurs) faict adjouster sommairement les faictz et gestes plus memorables du roy Henry second, à present regnant, jusques à ceste année mil cinq cens cinquante, ce que ne trouverez es autres par cy devant imprimées tant à Lyon qu'en ceste ville de Paris. Au surplus si vous y trouvez quelques legeres faultes d'impression delaissées par inadvertence, il vous plaira benignement les supporter, estimantz qu'en telz labeurs, faire tout au mieulx et n'oblier rien, seroit chose plus divine qu'humaine.