Vestrum Castalides cohors beata
BRYNONEM comitem ducemque flete.
Quem vos à puero sequi volentem
Mors vestro rapuit sinu cupito
Vobis, cuius in ædibus patebant,
Vobis omnia Gratiæ patebant.
BRYNONE hoc duce vos Deas poëtæ
Tam Græci coluere quàm Latini.
Ah nunc muta Chelys ! silent poëtæ !
Numen Castalidum heu brevi peribit,
BRYNONIS rediviva mens poëtas
Pergat muneribus nisi fovere.