Dans ce tombeau gyst
BRYNON,
Duquel peu dura la vie ;
Mais son immortel renom,
Maugré la mort et l’envie,
Durera tant que le monde
Gardera sa forme ronde.
Plus que Mecene il vesquit
Au bien et à l’avantage
Des doctes, dont il conquit
Le cueur, l’ame et le courage ;
Puis mourut à leurs grands pertes,
Laissant les Muses desertes.
Et bien que son corps plus beau
Que cil du Berger de Troye
Soit de cét ingrat tombeau,
Las ! trop delicate proye,
Passant des pompes funebres
En ces obscures tenebres,
L’ame au ciel vit eternelle,
Et en terre son cler nom,
Avec sa gloire immortelle.
Ainsi la mort pasle et sombre
N’a peu ravir que son ombre.
