Ronsard Pierre de, "La mort m’a clôs dans ce tombeau"
Transcription: id 47851
LINKED MEDIA
Incipit
La mort m’a clôs dans ce tombeau
Titre
L’ombre parle
Transcription
La mort m’a clôs dans ce tombeau,
Qui fus en mon vivant plus beau
Que Narcisse, et paravanture
Passant, ebay tu seras,
Quand de mon corps tu ne verras
Une fleur, sus ma sepulture.
La terre qui presse à l’entour
Mes oz, ardent’ de mon amour
Ha laissé dans soimesme cuire
Toute son humeur, et n’a peu,
Comme seché de trop de feu,
De mon corps une fleur produire.
Or’ doncq’, passant, arrouse-là,
Et verse deça et de là
Tes larmes sus elle, et peut estre
Qu’elle, arrousée de ton pleur,
Soudain quelque nouvelle fleur
Hors de ma tombe fera naistre.
Copiste
Pascal Joubaud
