Moyen, feindre le sourt en tout ce qu’on me dit,
Feindre d’estre muët à l’heure qu’on me tance,
Feindre ne sçavoir rien des choses d’importance,
Et feindre de n’avoir ny faveur ny credit :
De ce que je requiers tousjours estre escondit,
Me paistre vainement d’une longue esperance,
Sur toutes les vertuz avoir grand pacience,
Et estre en tout par tout de franchise interdit.
Souffrir qu’indignement un taquain me mastine,
Faire à mes envieux tousjours la bonne mine,
Sans m’oser lamenter des torts que je reçoy :
Apuyer mon espoir sur une lettre escrite,
Et sur ce vain honneur d’avoir servy
le Roy,
Voyla tout ce,
Moyen, qu’à Rome je profite.
