Transcription
Garde toy, Vernassal, garde toy je te prie,
De ce faux courtisan qui trompe hommes et dieux,
Qui taille à tous costez, et qui n’a rien de mieux
Que faintise, mensonge, orgueil, et flaterie.
Il brusle dans son cueur d’avarice et d’envie,
Il a d’un basilic le regard et les yeux,
La langue d’un serpent, et d’un Ours furieux
La rage et la fierté pour tourmenter ma vie.
S’on luy dict rien de bon, il n’en retiendra rien,
N’ayant l’esprit capable à retenir le bien,
Mais s’on dict quelque mal, il le note et raporte.
S’il a besoing de moy, il me flatte, et me dit
Qu’estant pres de mon maistre, il me prise et supporte,
Et tousjours toutesfois le meschant en mesdit.
