L’Estrange, toi qui sçais comme on plait chés
le Roy,
Et comme on y desplaist, ly ces vers je te prie,
Et si tu trouves rien subget à mocqueríe,
Sans de moy t’estranger,
Lestrange, dy le moi.
Dy le moi rondement, car je me fie en toi,
Et vraiment à bon droit je crois que je m’y fie,
Car tu n’as point le front d’un homme qui pallie
Et qui sçait deguiser ce qu’il a dedans soi.
Je chante en ces Sonets
une Maistresse belle,
Je chante les ennuys que j’endure pour elle,
Mon espoir et ma foy constante en mon tourment.
Ce sont tous argumens fort communs à nostre age :
Mais cil qui les descrit comme il fault doucement
Et qui sçait plaire aux Rois n’a pas peu d’avantage.
