Si tu n’aymois,
Duthier, la Muse ardantement,
Et si la Muse encor’ ne t’aymoit davantage,
Tu n’aurois à mes vers fait tant de bon visage,
Ny je ne t’en donrois ore tant hardiment.
Le sçavoir est nourry de l’honneur seulement,
Et s’un œuvre est chery par un grand personnage,
Phœbus ayme l’auteur, et polit son ouvraige
Et fait son nom et luy vivre immortellement.
Un plus riche que moi plus grand don te peult faire,
Mais un plus grand ne peult davantage te plaire,
Aymant comme tu fais des Muses les esbats.
Reçoi donc ce present qu’humblement je te donne,
A l’exemple des dieux qui ne dedaignent pas
De prendre un petit don d’une basse personne.
