Mesdisans detracteurs,
Trop mordants correcteurs,
Ne mordez rien icy.
Et vous blasphémateurs,
De debats amateurs,
N’approchez point aussi.
Vostre cueur endurcy,
En pechez tout farcy,
Ne peult cecy gouster.
Destournez donc voz yeulx
Pervers, malicieux,
Sans icy rabaster.
Rabasteurs,
Faulx menteurs,
Debateurs,
Fuyez de moy, je le vous mande.
Vous Docteurs,
Zelateurs,
Destructeurs
De faulx erreur, je vous demande.
Tout pour le mieulx
