Midas (auquel Phrygie fut subjette)
Dormant encore enfant dens son berceau,
Certains formis meirent en sa bouchette
De plusieurs grains de froment un monceau.
Lors ses parens eurent de ce morceau,
Par les divins, la resolution,
Disans : "Midas, pour telle evention,
Sera plus riche entre tous les mortelz."
Vaine ne fut telle prediction,
Car l’on n’eust peu riches trouver lors telz.
