Transcription
Ung jour me dict ung de mon alliance :
Amy, j’ay peur de me dampner au monde !
De sainct Françoys, j’ay l’ordre en souvenance
Car entre nous toute rancune abonde".
— "Ha (dis je lors) le poinct où tu te fonde
N’est rien, sinon que toute vanité,
Car tu n’auras ceste felicité
Par l’habit seul de ceulx qui ont la corde :
L’habit n’est rien si dieu est irrité,
Ton salut gist en sa misericorde."
