Je vous supply ne faire point de doubte
Que je seray contre vous bien expert
Au jeu de boule ; et toutesfois j’en doubte :
Car cil qui gaigne aujourdhuy, demain perd,
Et qui me peult faire peur, il m’appert
Qu’en ce jeu là vous avez la maistrise.
Mais j’ay bon cueur, et de mon entreprise
Avoir ne doibs repentance, ne dueil,
Car si je perds jusques à la chemise,
Blasmez moy bien s’il en sort larme d’oeil.
