Transcription
À son voisin, quelqu’un se complaignoit
Et tel propos en plourant luy tenoit :
"Las (mon voisin) j’ay desja eu trois femmes,
Qui toutes trois m’ont faict de grans diffames,
Dont la premiere estoit fort rioteuse,
L’autre lubrique, et la tierce orgueilleuse.
L’une après l’autre elles se sont rendues
En mon jardin,et là se sont pendues
En s’estranglans aux branches d’un bel arbre,
Dont de douleur je suis plus froid que marbre."
L’autre respond : "Pour m’oster hors d’esmoy,
Je te requiers : des greffes donne moy
De ce bel arbre, à fin qu’arbres j’en ente
Pour celle là, qui si fort me tourmente.
Et quant à toy, rappaises ta douleur :
Mauvaise femme est le pire malheur."
