Transcription
Accourez tous, poëtiques espritz,
Accourez tous, venez blasmer l’outrage,
Que mort cruëlle a fait lors qu’elle a pris,
Nostre Pamphile en la fleur de son aage :
Venez, venez, chascun d’ardant courage,
Blasme la Mort, son dard, et ses effetz,
Las ! qu’ay-je dit ? je ne sçay que je fais !
Ne la blasmez, mais donnez luy louange,
Veu que les bons qui par Mort sont deffaitz,
Font de leur mort à une vie eschange.
