Ce doulx plaisir de celle qui me baise,
A tant ravy mes amoureux espritz,
Que je ne scay ou si mon feu s’appaise,
Ou si je suis d’ung nouveau dard espris,
Mais tout soubdain qu’ung peu d’aleine ay pris,
Je cognois bien que mon feu recommence.
O franc baiser plein de benevolence,
Ta grand doulceur augmente mon tourment !
O belle en qui mise est mon esperance,
Fais moy ung don de plus doulx traictement !
