Face qui veult pour l’Asie et l’Affrique,
Car pour l’Europe et la Gaule Belgicque,
Assez a faict
Richard de Vvassebourg.
Dont tu le doibs par cité, ville et bourg,
(Amy Lecteur) aymer et estimer,
Veu qu’il te faict par son libvre exprimer
Sommairement plusieurs antiquitez,
Dont comme luy ne se sont acquitez
Au temps jadis les vieilz Historiens.
Et oultre plus, il donne les moyens,
Comme lecteurs indigentz sont delivres,
D’avoir soucy d’achepter tant de livres :
Et les puissantz de les tous accorder,
Car il les faict si tresbien concorder,
Escrivant tout, qu’il ne reste plus rien,
Sinon qu’autant qu’il t’a voulu de bien
Par ses labeurs continuz et ses veilles,
En le lisant, autant tu luy en veilles.
Virescit vulnere virtus